1. Leynihekl Woollen Thoughts - Mystery Crochet Along

Woollen Thoughts first mystery crochet along

155 konur tóku þátt í fyrsta leynihekli Woollen Thoughts. Um 30 hafa sent inn mynd af kanínunum sínum, og sumar gerðu ekki bara eina heldur tvær og fengu nokkrar kanínkur hatta, húfur, vesti, hjarta, blóm og gulrætur. 

Þetta er búið að vera rosalega gaman, og gaman að sjá hversu ólíkar þær allar eru, þó svo að um sömu uppskrift sé að ræða. Allar hafa sinn karakter og ég get ekki beðið lengur með að sýna þær allar saman í einni myndasýningu. Í þetta sinn fylgir sætt lag með sem heitir Bunny Party, en er þessi kanína í videoinu ættuð frá Þýskalandi. Ég er ekki búin að ákveða hvenær eða hvort ég haldi annað leynihekl eða samhekl aftur í þessari mynd. En þið fáið að vita það í tíma. 

Kanínupartý 2 by Slidely Slideshow

UPPFÆRSLA! 

Kærar þakkir til allra sem tóku þátt og sýndu fallegu kaninkurnar sínar. Ég er búin að bæta við nokkrum kanínkum sem náðu ekki í fyrstu myndasýninguna og eru þær núna með í myndasýningunni hér að ofan.

Ég sendi öllum persónuleg email með vísbendingu hverrar viku og það var gaman að fá svör og spjalla við ykkur. Líka gaman að heyra hvað ykkur fannst þetta gaman. Ég öfundaði ykkur soldið á að vita ekki hvað þið væruð að hekla. Ég kaus að senda ykkur vísbendingarnar allar persónulega í stað að hafa þetta á netinu opið fyrir alla, ekki bara út af höfundarrétti og þýðingarrétti frá Lion Brand. Ég held það hafi gert þetta miklu skemmtilegra og persónulegra. Þó svo að það hafi verið ansi mörg email í hverri viku sem ég sendi út með vísbendingum, var það alveg þess virði. 

Af 155 sem skráðu sig í viðburðin mætti segja að rúmur þriðjungur af þeim hópi hafi verið virkur og virkilega tekið þátt og heklað krílið. En hvað um hina? 

Mig langar að halda aftur leynihekl, en það yrði þá að vera annað snið á því til að hindra að svona stór hluti þátttakenda sé einfaldlega ekki að taka þátt. En hvernig? Uppástungur vel þegnar :) Langar ykkur að hekla aftur dúkku eða eitthvað annað í næsta leynihekli? 

Kærar þakkir til Lion Brand fyrir að leyfa þýðingu og notkun þessarar uppskriftar í fyrsta leynihekli Woollen Thoughts. 

Yfirlit - Übersicht - Overview
1. vikan - die erste Woche - First week
2. vikan - die zweite Woche - Second week
3. vikan - die dritte Woche - Third week
4. vikan - die vierte Woche - Fourth week

***

Das erste mystery CAL ist nun vorbei. Hier oben ist eine schöne Zusammenfassung der Kanninchen, die gehäkelt wurden. Es hat riesen Spaß gemacht für alle beteiligte und ich bedanke mich herzlich bei Lion Brand, für das Erlaubnis eins von ihren Mustern zu übersetzen und benutzen. Es war das erste mystery CAL von meinem Blog aus, und lief es über meine Facebook Seite. Da die meisten "follower" dort Isländer sind, wurde es auf isländisch gehalten. Es war lustig und es ist immer unglaublich zu sehen, wie von einem Muster man so viele unterschiedliche Charaktere bekommen kann. Viel Spaß beim anschauen und das bunny party Song euch anhören.

Ich werde nun bei Creadienstag und Häkelliebe vorbeischauen :)

***

The first Woollen Thoughts Mystery crochet is over. And here are some of the lovely bunnies people made. It took place on my facebook fanpage, and this time it was for icelanders only. I got the permission from Lion Brand  to translate and use on of their patterns for this mystery crochet and I would like to thank them again for letting me do so.

This sure is a bunny party. Have fun watching the slideshow and be sure to volume up to hear the sweet bunny party song in the background.

1. Leynihekl Woollen Thoughts: Vísbending 4 og Uppljóstrun

Fjórða og síðasta vísbendingin í leyniheklinu hefur verið send út, eftir þessa eiga þátttakendur að hafa heklað 9 hluti, eins og sjá má á myndinni hér að neðan.

Sumsé 1 bolta, 1 keilu, 2 ófyllt eyru úr vísbendingu 1, 2 tvílita anga, 2 einlita anga og einn lítið fylltan einlitan anga í B litnum.

Ég sé á myndunum að það eru margar búnar að fatta hvað við höfum verið að vinna við að gera allan þennan tíma....

En ég beið með að segja ykkur strax hvað þetta væri, til að sýna líka að það má raða upp á ýmsan máta og eflaust fá hugmyndir hvað hægt er að gera úr þessum grunnformum annað. Til dæmis með að breyta stækka lengja :) Það þarf aðeins að kunna nokkur grunnform í amigurumi gerð og þá er hugmyndaraflinu engin landamæri sett. 

En komum við nú að samsetningunni.....

Þetta verður hin fínasta leðurblaka.......

Leðurblaka???? 

Hún lofaði að þetta væri krúttlegt kríli.... ojjj lítur ekki krúttlegt út svona

nei nei .......

Auðvitað er réttara að leggja hlutina svona út, og úr verður krúttleg kanína

Já það er rétt, við erum að gera litla kanínu með löng krúttuleg eyru :)

Nú á bara eftir að blása lífi í hana með að sauma alla hluta á réttan stað og andlitið. En ég bíð alltaf með að sauma andlitið á í lokin, sumir sauma það strax á, áður en þeir setja saman dúkkurnar, en það er bara smekksatriði. Það er svo gaman að sjá muninn á dúkku án andlits samsettri og þegar hún er komin með andlitið sitt, þá fyrst er karakterinn kominn og hún "lifnuð við" :)

Mörgum kvíður fyrir að sauma saman, þeim finnst gaman að hekla alla hluta en eru eitthvað smeykir við að sauma vitlaust saman og eyðileggja alla dúkkuna. En ekki óttast þennan hluta, þetta er hlutinn sem þú ert búin að bíða eftir allan tíman á meðan á heklinu stóð. Þetta er hlutinn sem lætur krílið þitt lifna við í.

Best er að notast fyrst við títuprjóna og festa þannig hlutana á og sjá hvernig þetta lítur sem best út. Það mætti einnig taka snögga mynd af krílinu títuðu niður til að miða við. Ekki vera stressuð að vera að sauma þetta vitlaust saman, það má alltaf rekja upp og sauma aftur :)

Svona lítur kanínan út í upprunalegu uppskriftinni frá Lion Brand, sem ég fékk leyfi til að þýða og nota á þennan hátt. Uppskriftina má finna hér og kallast hún Best Bunny.

Kanínan notar skottið sitt til að halda jafnvægi og getur þar af leiðandi setið óstudd. Til að finna þennan punkt og stöðu fótleggja og skotts svo hún geti staðist, er einmitt gott að notast við títuprjóna fyrst, og títa hlutina fasta á búkinn.

En við byrjum að sauma saman búkinn við höfuðið, þess vegna átti að fela endann á höfðinu (boltanum) og klippa frá en skilja langan spotta eftir á búknum til að sauma með.

Fresh stitches er með mjög gott tutorial í myndum sem sýnir vel hvernig best er að sauma saman amigurumi dúkkur. Þetta er líka frábær síða með mörgum gullkornum fyrir hekl.

Svona lítur kanínkan mín út að aftan

og svona að framan. 

Ég átti ekki nógu lítil öryggisaugu svo ég saumaði andlitið á hana, en lion brand útgáfan notast við öryggisaugu. Einnig mætti notast við tölur fyrir augun, eða filt. Hér nota ég frekar ljósan grunnlit, en ef þið eruð með dekkri grunnlit þá ráðlegg ég ykkur að nota ljósan lit til að sauma á andlitið. Ef þið eruð á ravelry eru tæp 1000 projects inni með þessari kanínu. Þið getið kíkt þar líka til að sjá fleiri myndir af fullgerðum kanínum. Link á Ravelry.

Lionbrand er með fjölmargar fríar uppskrifitr bæði fyrir hekl og prjón. Ef slegið er inn leitarorðið Amigurumi koma upp 150 uppskriftir. Það má vel vera að við heklum eitthvað annað saman frá Lionbrand, þar sem ég hef fengið leyfi til þess einnig. Þessi kanína er ein af vinsælustu uppskriftunum þeirra. Þið getið kommentað hér fyrir neðan hvað þið mynduð vilja hekla næst frá Lionbrand og yfir höfuð hvernig ykkur fannst leyniheklið og hvort þið mynduð vilja taka aftur þátt. Finnst ykkur leynihekl skemmtilegra en venjulegt samhekl? Hvort mynduð þið vilja næst aftur leynihekl eða samhekl, og þá hvernig? Aftur svona amigurumi eða eitthvað annnað? :) Endilega látið mig vita hér sem komment, eða á facebook skilaboðum.

Allir þátttakendur fá svo senda heildaruppskriftina í einu skjali. Þá stendur t.d. eyru í stað vísbending 1 :) og einnig er heimildin uppgefin og slóðin á lionbrand. Þetta er búið að vera mjög skemmtilegt og ég vona að þið eigið eftir að hekla fullt af amigurumi dúkkum núna :) Margar gerðu 2 í einu og ég hlakka ekkert smá til að sjá svo allar kanínurnar fullgerðar. En ég ætla að útbúa myndasýningu með öllum myndum sem hafa borist inn fyrir 10. febrúar. 

Ég vil biðja ykkur að deila ekki þýddri uppskriftinni úr þessu leynihekli, heldur frekar benda á ensku uppskriftina. Þýðing þessi var einungis hugsuð privat fyrir þátttakendur leyniheklsins.

Ég vona þið séuð hrifin af uppljóstruninni og hafið haft gaman af. 

Leynihekl - Staðan eftir 3 vísbendingar

Ein vísbending eftir af leyniheklinu, en hún mun berast þátttakendum nú um helgina. En hér er brotabrot af stöðunni í dag. Ég notast við slide.ly síðuna aftur í þetta sinn til að búa til myndasýninguna með myndum eftir þær sem búnar eru með allar þrjár vísbendingarnar að svo stöddu og hafa deilt myndum. Í þetta sinn við undirleik U2 með laginu "She´s a mystery to me". Ég bætti einnig við nokkrum snjókornum á skjáinn þar sem ég er snjókornastelpa ;) 
Kærar þakkir til allra sem deildu með myndunum.
Njótið vel. 

Leynihekl eftir 3. Vísbendinguna by Slidely Slideshow

1. Leynihekl Woollen Thoughts - Staðan eftir tvær vísbendingar

Þetta er búið að vera svo gaman og svo gaman að sjá alla litadýrðina hjá þátttakendum :) Í þetta sinn ákvað ég að setja þær saman í slideshow með fallegu lagi frá Prefab Sprout (Mysterious) í bakgrunni svo myndirnar njóti sín sem best. Njótið vel, fylgið þessari slóð til að sjá myndbandið :)

Kærar þakkir til allra þeirra sem áttu hlut í máli og hinna sem eru ekki komnar eins langt eða hafa ekki haft færi á að setja inn mynd ennþá :)


Þuríður Jónsdóttir's Slidely by Slidely Slideshow eða ýtið hér til að komast á síðuna

1. Leynihekl Woollen Thoughts - Staðan eftir fyrstu vikuna

Nú er fyrstu viku fyrsta leynihekls Woollen Thoughts lokið.

Hér fyrir neðan samansafn af myndum sem hafa verið settar inn á viðburðinn. 

Það er svo gaman að sjá alla þá liti sem fólk hefur valið, engar tvær fígúrur verða eins.

Yndislegt hlakka til að sjá stöðuna eftir næstu viku en vísbending 2 

verður send út um helgina (11.-12. Janúar).

Ég hefði aldrei trúað hvað margir myndu vilja vera með, 

en í þessum skrifuðu orðum hafa 146 skráð sig.

1. Röð (frá vinstir til hægri): Sigríður Helga Einarsdóttir - Guðrún Þorleifsdóttir - 
                                               Marín Björg Böðvarsdóttir - Signý Ólafsdóttir
2. Röð (frá vinstri til hægri): Kristjana Rannveig Sveinsdóttir - Guðlaug Erla Ágústsdóttir - 
                                              Jóna Bjarnadóttir
3. Röð (frá vinstri til hægri): Fríður Hilda Hafsteinsdóttir - Margrét Högnadóttir - 
                                               Svanhildur Jónný Áskelsdóttir - Helga Kjartansdóttir

Efri mynd: Tora Geirs 

Neðri myndir: vinstri: hægri: Hjördís Björk - Elín Steingrimsen

1. Leynihekl Woollen Thoughts

Nýtt ár, ný verkefni. Woollen Thoughts er að fara með í gang sitt fyrsta leynihekl á árinu. Það verður hekluð lítil amigurumi dúkka, en ekki fyrr en eftir allar 4 vísbendingarnar verður uppljóstrað hvað við vorum að hekla saman. :) Til að vera með þarf að skrá sig hér á viðburðinn til að fá vísbendingarnar fjórar. Uppskriftin er höfundarvarin og þýdd með leyfi höfundar, í lokin fáiði svo alla uppskriftina með linki á hina upprunalegu í einu skjali.